| e-texts navigator |
| བོད་ཡིག |
83b1 tshigs su bcad pa'i don 'di la/ don ni 'di'o// yi ge ni 'di'o zhes gsal bar mi shes te/ ji ltar mi ra ro bas lha khang dang / spo dang / sa gni dang / nyi ma dang / zla ba dang / shing dang / ri rnam/
83b2 mi 'khor bzhin du 'khor bar mthong ba de bzhin du/ 'du shes phyin ci log du mas zin cing / kun tu rmongs pa rnams bdag go snyam pa dang / rtag go snyam pa dang / bde'o snyam pa dang / sdug go snyam pa'i
83b3 'du shes kun tu spyod do/ / de la bdag ces bya ba ni sangs rgyas zhes bya ba'i don to// rtag ces bya ba ni chos kyi sku zhes bya ba'i don to// bde zhes bya ba ni mya ngan las 'das pa zhes bya ba'i don to// sdug ces bya
83b4 ba ni chos kyi chog bla dag so/ / dge slong dag khyed kyis bcom ldan 'das bdag cag gis ni/ sdug bsngal dang / mi rtag pa dang / bdag med pa'i 'du shes sgoms lags so zhes/ rgyags pa dang nga rgyal
83b5 gyis dregs par ma byed cig/ de ltar rnam pa gsum bsgoms par gyur na ni/ nga'i bstan pa la khyed kyis bsgom pa rnam pa gsum bsgoms pa de/ bsgom pa don med par 'gyur ro// sdug bsngal shes
83b6 par bya ba sgom pa rnam pa gsum ni/ khyad par dang / khyad par gyi yang khyad par ro// sdug bsngal la bde'o snyam du 'du shes pa ni phyin ci log pa'o// bde ba la sdug bsngal lo snyam du 'du shes pa ni
83b7 phyin ci log pa'o/ / mi rtag pa la rtag go snyam du 'du shes pa ni phyin ci log pa'o// rtag pa la mi rtag pa'o snyam du 'du shes pa ni phyin ci log pa'o// bdag med pa la bdag tu 'du shes pa ni
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo