| e-texts navigator |
| བོད་ཡིག |
61a1 san ta na ga rnams dang / san ta na ga chen po rnams dang / 'od can rnams dang / 'od can chen po rnams dang / kun tu 'od can rnams dang / 'od mtha' yas pa rnams dang / mdzes/
61a2 sdug rnams dang / mdzes sdug chen po rnams dang / dga' byed rnams dang / dga' byed chen po rnams dang / dri mchog rnams dang / dri mchog chen po rnams dang / spos kyi ngad ldang rnams dang
61a3 spos kyi ngad ldang chen po rnams dang / kun tu ngad ldang rnams dang / kun tu ngad ldang chen po rnams dang / mtha' yas ngad ldang rnams dang / mtha' yas ngad ldang chen po rnams dang / lha rdzas kyi 'dang
61a4 ma rnams dang / klu shing gi me tog rnams dang / yongs 'du sa brtol rnams dang / de lta bu gzhan dag kyang khyer nas/ bcom ldan 'das ga la ba der dong ste/ nyi ma'i gzi byin gyis srin bu mi khyer gyi 'od
61a5 zil gyis mnan pa bzhin du/ rang rang gi gzi byin gyis thams cad kyi 'od zil gyis mnan te/ zhal zas ma bzhes nas/ phyogs gcig tu 'bod do// gzhan yang de'i tshe lha'i dbang po brgya byin
61a6 sum cu rtsa gsum pa'i lha rnams kyi 'khor dang bcas pas/ mchod pa snga ma de'i nyis 'gyur de'i rkyen du 'tsham pa de na yod pa'i me tog gi sna grangs du ma yid du 'ong ba rnams dang / yid du 'ong ba
61a7 chen po rnams dang / dri bsung zhim po rnams khyer ro// khang bzangs chen po rdo thal gyi mdog ltar dkar ba/ them skas kyi rim pa dang ldan pa/ skar khung gi 'phreng ba du ma/ phug ron shun
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo