| e-texts navigator |
| བོད་ཡིག |
46a1 bya ba byas pa/ byed pa byas pa/ cang shes pa/ gtso bo chen po/ chen po stong pa nyid kyis rang gi don thob pa/ tsan dan chen po lta bu'i g.yog 'khor dang ldan pa/ seng ge chen po/
46a2 bu'i g.yog 'khor dang ldan pa sha sta ga ste/ de la sogs pa'i yon tan dpag tu med pa dang ldan pa de dag thams cad snga dro nyim 'char kar yan lag thams cad kyi ba spu rgya skyegs kyi shing gi me tog ltar rtsa dmar ba ni ladra/
46a3 mig ni mchi ma khrag lta bus gang ste/ mchog tu sdug bsngal ba'i tshor ba dang ldan nas/ sems can thams cad la phan pa dang / bde ba dang / snying brtse ba'i phyir dang / gdul bar bya ba'i dbang gi don du theg pa chen po'i
46a4 mchog tu gsang ba/ stong pa nyid kyi rnam pa dgongs pa'i tshig rnam pa sna tshogs kyi chos kyi sgo'i tshul bshad par bya ba'i phyir bcom ldan 'das ga la ba der dong ste lhags nas/ bcom ldan 'das kyi zhabs la
46a5 mgo bos phyag 'tshal te/ bcom ldan 'das la lan 'bum bskor ba byas nas/ bcom ldan 'das ga la ba de logs su thal mo sbyar ba btud de phyogs gcig tu 'khod do// de'i tshe ko ta ka'i bu mo rab bzang
46a6 ma la sogs pa dge slong ma bye ba 'bum phrag drug thams cad kyang dgra bcom pa/ zag pa zad pa/ dbang thob pa/ bya ba byas pa byed pa byas pa/ khur bor ba/ nyon mongs pa med pa/ gtso bo chen mo// chen po stong pa
46a7 nyid kyis rang gi don thob pa sha stag ste/ 'di lta ste/ ko ta ka'i bu mo dge slong ma rab bzang ma dang / dge slong ma nye dga' mo dang / dge slong ma rgya mtsho blo gros dang / de dag la sogs pa dge slong ma bye ba 'bum
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo