| e-texts navigator |
| བོད་ཡིག |
256a1 sems dpa' de dag thams cad kyis tshig mthun par bcom ldan 'das kyi bka' bzhin du bgyi'o zhes gsol nas/ byang chub sems dpa' de dag re re'adrang 'khor byang chub
256a2 sems dpa' bye ba khrag khrig brgya stong snyed kyis yongs su bskor te/ mi mjed kyi 'jig rten gyi khams gang na ba der spong ngo // de dag 'jig rten gyi khams gang dang gang du phyin par 'jig rten
256a3 gyi khams de dag rnam pa drug tu g.yos te/ 'od zer chen pos kun tu snang bar gyur/ steng gi bar snang las lha rnams kyis me tog man+da ra ba dang / man+dA ra ba chen po'ang char bzhin du phab bo//
256a4 'od zer chen pos snang bar byas shing / rdzu 'phrul gyis 'jig rten gyi khams gang+gA'i klung gi bye ma snyed dag kyang g.yos so// de ma yin pa gzhan yang lha rdzas kyi rol mo tshad med pa brgya stong snyed kyang
256a5 steng gi bar snang las ma bkrol bar rang zer bzhin du/ byang chub sems dpa' de dag bya rgod spungs pa'i ri ga la ba der de bzhin gshegs pa'i spyan sngar lhags nas/ zhabs la mgo bos
256a6 phyag 'tshal te/ sangs rgyas la lan gsum bskor ba byas nas phyogs gcig tu 'khod do// de'i tshe de bzhin gshegs pa'i 'od zer gyis nub phyogs logs su sangs rgyas kyi zhing tshad med pa
256a7 bye ba khrag khrig brgya stong 'das pa'i pha rol na/ 'jig rten gyi khams dag pa'i gnas zhes bya ba snang bar byas so// 'jig rten gyi khams de na sangs rgyas kyi mtshan nyi zla mar me'i 'od ces bya ba de
iiif viewer powered by OpenSeadragon
Texts on this page
S180 - thabs mkhas pa chen po sangs rgyas drin lan bsab pa'i mdo