| e-texts navigator |
| བོད་ཡིག |
250a1 thams cad rtag pa'o/ / bde ba'o zhes bya ba lta bu'o// de ltar na kha cig ni lhag ma yod pa'o// kha cig ni lhag ma med pa yin par chos 'dod pa'i rigs kyi bus rig par bya'o//
250a2 gsol pa/ kye ma de bzhin gshegs pa ni sems cad thams cad la sgra gcan zin bzhin du gzigs pa lags te bdag shin tu rangs lags so// bka' stsal pa/ rigs kyi bu legs
250a3 so legs so/ / de ltar cha phra bar brtag dgos so// gsol pa/ bcom ldan 'das da ni yongs su mya ngan las 'das pa chen po'i mdo chen po'i bsod nams ji ltar skye ba bka' stsal du
250a4 gsol/ bka' stsal pa/ sangs rgyas kyi yul 'di ni bsam gyis mi khyab pa'i phyir nyan thos dang rang sangs rgyas thams cad kyis kyang / mdo sde 'di'i ming yang tshig tsam du'ang nyan pa rnams
250a5 la brjod par mi nus so/ / de nas bcom ldan 'das la lha dang / mi dang / lha ma yin rnams kyis rlig mthun par tshigs su bcad de gsol pa/ sangs rgyas bsam yas bsam yas
250a6 chos gsung ba/ / chos dang dge 'dun rtag tu khyod la rten// de phyir dge slong 'od srungs kun dga' bo// ma mchis bar du mgon po bzhugs par gsol// be de ha yi rgyal po ma skyes dgra// khyod kyi
250a7 mdza' mchog thugs 'dra che ba yang / / da dung ma mchis mthar thug khyod ma gshegs// kun mkhyen khyod kyis bdag cag the tsom chod// de nas bcom ldan 'das kyis/ de dag la 'di skad
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo