| e-texts navigator |
| བོད་ཡིག |
244b1 pa des/ de la smras pa/ nyam stobs dang ldan pas ni mar mang du btung par stsal kyang des 'ju bar nus kyi/ khyod ni nyam stobs med pas mar ha cang mang du ma 'thung zhig/ mar ni nud sel
244b2 ba'ang yin mod kyi/ mang du 'thungs na de nyid kyis khyod ye 'dreg tu 'chi bar 'gyur ro zhes byas na/ ci sman pa phan par 'dod pa des snying brtse ba des yang dag pa'i don de ma rung bar byas pa yin nam//
244b3 de bzhin du sangs rgyas bcom ldan 'das kyis kyang rgyal po dang / blon po dang / btsun mo rnams kyi nga rgyal bsal ba dang / ko sa la'i rgyal po gsal rgyal gyi btsun mo rnams gzhan dang g.yem pa la 'jig
244b4 pa dang skyo ba skyed pa'i phyir/ sman pa bzhin du de bzhin gshegs pas rgyal po gsal rgyal las brtsams nas/ chu klung chu ni gya gyur 'bab ces tshigs su bcad pa 'di dag bka' stsal te/ chu klung gya gyur 'bab
244b5 ces bya ba la de bzhin gshegs pa 'khrul pa mi mnga' 'o/ / gang gi tshe 'khrul pa zhig tu gyur na gnams log par 'gyur ro// de bas na thams cad smos te bsrungs pa ni lhag ma yod pa'ang med/ lhag ma
244b6 med pa dang 'dra bar gsungs so/ / 'jam dpal byang chub sems dpa'i khyu mchog dam pa khyod kyis sems can thams cad la phan pa'i phyir shes rab rgyas par byed pa 'di legs so legs so// de nas
244b7 'jam dpal gzhon nur gyur pas bcom ldan 'das la yang tshigs su bcad de gsol pa/ bdag gis byas dang ma byas rnams// brtag par bya yi gzhan dag gis/ byas dang ma byas rnams dang ni//
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo