| e-texts navigator |
| བོད་ཡིག |
240b1 bu tsun da la bka' stsal pa/ tsun da khyod kyis ngo mtshar rmad du byung ba ci mthong / gsol pa/ bcom ldan 'das sngar ni de bzhin gshegs pa mtshan gyi mchog sum cu rtsa gnyis dang / dpe byad bzang po brgyad/
240b2 cu mnga' ba du ma mthong ba las/ da ni rang rang gi bsgyur nas 'di ni byang chub sems dpa' sems dpa' chen po lus chen po lus chen po dag tu snang lags so// de bzhin gshegs pas dug sman gyi sdong po
240b3 lta bu'i sku gcog pur gyur te byang chub sems dpa' rnams kyis bskor bar gda' lags so/ / bka' stsal pa/ sangs rgyas snga ma gang yin pa de dag ni sems can thams cad la phan pa dang / bde ba dang /
240b4 yid dga' bar bya ba dang / bsod nams mi zad par bya ba'i phyir sprul pa yin te/ sgyu 'phrul 'di ni byang chub sems dpa' rnams ma gtogs par sems can rnams kyis mi shes so// de ltar na byang chub
240b5 sems dpa'i spyod pa ni dpag tu med do/ / de ltar na byang chub sems dpa' chen po rnams ni dpag tu med do// byang chub sems dpa' mi mchog rnams la ni sangs rgyas kyis rnam par 'phrul pa'i mthu yod do//
240b6 mgar ba'i bu tsun da'ang byang chub sems dpa' sems dpa' chen po sa bcu thob pa yin te/ byang chub sems dpa' rnams kyi mchog gi mthar thug pa ni de lta bu yin no// 'od srungs chen po dang rus
240b7 gcig pas gsol pa/ bcom ldan 'das de ni de lags te/ byang chub sems dpa' rnams kyi nang na mi mchog tsun da la bdag rjes su yi rang lags so// bcom ldan 'das da ni mdo sde rnams bshad
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo