| e-texts navigator |
| བོད་ཡིག |
237b1 po dag khyer nas grong khyer gyi bar nas byung ste bcom ldan 'das ga la ba der chas so/ / de nas lha'i bu mthu chen po dang ldan pa rnams kyis mgar ba'i bu tsun da la bskor nas 'di skad ces smras so// tsun pa re zhig zhal
237b2 zas ma dbul bar de bzhin gshegs pa thang cig zhog cig ces byas so/ / de nas yang bcom ldan 'das kyis nyid kyi 'od zer dag bkye ste/ 'od zer de dag gis lha'i bu rnams la phog nas tsun da btang ngo //
237b3 de nas lha la sogs pa der 'dus pa gang yin pa de dag thams cad kyis bcom ldan 'das la mchod pa chen po byas te/ tsun da dang lhan cig tu bcom ldan 'das kyi thad du dong nas 'di skad ces gsol to// dge slong
237b4 rnams kyi gdugs tshod la bab na gnang bar mdzad du gsol/ de nas dge slong rnams kyis gdugs tshod la bab par shes nas spyod lam bzang por byas te/ lhung bzed lag tu blangs nas sdod do// de nas mgar ba'i
237b5 bu tsun das seng ge'i khri sna tshogs tshig tu bzlas te'ang mi nus pa/ 'jig rten gyi khams bde ba can gyi rkyen du rung ba lta bu dag kyang bshams/ zhal zas kyang sta gon byas nas bcom ldan 'das la 'di skad ces
237b6 gsol to/ / de bzhin gshegs pa bskal pa 'am/ bskal pa las lhag par yang yun ring du bzhugs su gsol/ bcom ldan 'das kyis bka' stsal pa/ tsun dgal te nga yun ring du 'dug par 'dod na
237b7 sbyin pa'i pha rol tu phyin pa tha ma'i dus la bab kyi myur du phul cig/ de nas lha dang / mi thams cad dang / byang chub sems dpa' rnams kyis 'di skad ces smras so// kye matsun da spyod de ba 'dis phul ba'i zhal zas
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo