| e-texts navigator |
| བོད་ཡིག |
228a1 pa chen po'i mdo chen po ston pa thos na sems skyed mi dgos pa 'dzin pa'i sas can rnams la'ang byang chub kyi rgyur 'gyur te/ 'dod chen pa ni ma gtogs so// rigs kyi bu de ltar na yongs su mya
228a2 ngan las 'das pa chen po'i mdo chen po 'di ni de ltar bsam gyis mi khyab ste/ sman pa chen po bzhin du sman pa rnams kyi mchog tu gyur pa yin te/ mdo sde 'di ni mdo sde'i rgyal po'i mchog yin no// rigs kyi bu
228a3 gzhan yang gru ni sems can thams cad bsgral ba'i phyir/ pha rol gyi 'gram nas tshu rol gyi 'gram du 'ong zhing / tshu rol gyi 'gram nas pha rol gyi 'gram du 'gro ba de bzhin du/ de bzhin gshegs pa'ang yongs su mya
228a4 ngan las 'das pa chen pos yongs su mya ngan las 'das nas/ gru pha rol tu 'gro ba bzhin du sems can rnams sgrol du gshegs te/ gang dang gang na gdul bar bya ba rnams yod pa de dang der rdzogs pa'i sangs
228a5 rgyas ston par mdzad do/ / de bas na ji ltar gru gang dang gang du sems can bsgral bar 'dod pa de dang der 'gro ba bzhin du de bzhin gshegs pa'ang de dang 'dra ste/ de bas na mnyan pa chen po zhes bya'o// de bas na de
228a6 bzhin gshegs pa rtag pa dang brtan pa yin no/ / gru yod na mnyan pas sgrol bar byed la/ de bzhin gshegs pa rtag par yod pa dang / da dung du sems can sgrol zhing skye bar 'gyur ro// rigs kyi bu gzhan yang de bar na rgyu
228a7 mtsho chen po'i nang du gru bo che 'gro ba rlung dang phrad na drang por 'gro zhing / skad cig tsam gyis dpag tshad du mar 'gro la/ gal te rlung dang ma phrad na ni lo du mar yang mal gcig na 'dug pa 'am yang na bub par 'gyur ba de bzhin
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo