| e-texts navigator |
| བོད་ཡིག |
224b1 sngags dang / sman dang / sman gnod sel gyi mthus dug rnams dang nad rnams sel bar byed la/ bud med sbru ma ma bu btsa' bar 'dod na/ ba tsar mi btub pa rnams kyang sman gnod sel gyi mthus bde bar
224b2 btsa' bar byed la/ byis pa'ang nad med par byed pa de bzhin du/ yongs su mya ngan las 'das pa chen po'i mdo chen po 'di glegs bam du byas pa sems can thams cad kyang khyim na 'chang ba de dag kyang theg pa chen
224b3 po'i mthus bde bar byed la/ mdo chen po 'dis byang chub sems dpa' sems dpa' chen por yang 'gyur ro// lam pa byed pa rnams dang / mtshams med pa sems skyed mi dgos par 'dzin pa rnams kyang
224b4 byang chub la dgod par byed de/ 'dod chen pa shi ba dang 'dra ba ni ma gtogs so// gsol pa/ pham pa byed pa rnams dang / mtshams ma mchis pa mi bzad pa ta la'i mgo bcad pa dang 'dra ba de dag bdag
224b5 cag gis byang chub tu sems skyed mi dgos so snyam du 'dzin na sems ma skyed par de dag la byang chub kyi rgyu ji ltar skye bar 'gyur lags/ bka' stsal pa/ rigs kyi bu de dag ni rmi lam du'ang rung / shi ba'i 'og
224b6 tu'ang rung ste/ sems can dmyal ba rnams su gtses pa na 'di snyam du sems te/ bdag cag gis ni ma legs pa byas so// gal te 'di nas thar par 'gyur ba zhig yod na ni shin tu 'jigs pa 'di mthong bas
224b7 bdag cag gang dang gang du skyes pa de dang der byang chub tu sems bskyed par bya'o snyam sems te/ dam pa'i chos 'byung bar sems pa ni 'bras bu che ba yin no// dper na byis pa la la shed bye nas bdag nyid shes
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo