| e-texts navigator |
| བོད་ཡིག |
220a1 char chen po bab tu zin kyang / chu cung zad kyang gnas par mi 'gyur te/ gar gzhol bar 'bab la/ babs nas kyang der gnas par 'gyur te/ sems can thams cad la'ang phan 'dogs
220a2 par 'gyur ba de bzhin du/ mdo sde chen po 'di las dam pa'i chos kyi char 'bab mod kyi/ 'dod chen pa la ni byang chub kyi rgyu skye bar mi 'gyur te/ skye mi srid do// gzhan dag la ni sa gzhol ba'i chu bzhin du skyed par byed do//
220a3 rigs kyi bu gzhan yang dper na sran sde'u 'am/ sran gre'u 'am/ sran nam spa'i sa bon tshig pa rnams la sprin chen po'i char stong du bab kyang myu gu skye bar mi nus te/ de dag la myu gu 'byung mi srid do// de
220a4 bzhin du 'dod chen pa rnams kyis yongs su mya ngan las 'das pa chen po 'di thos su zin kyang byang chub kyi rgyu 'thob mi srid do/ / de dag ni dge ba'i rtsa ba zad pa yin pa'i phyir sa bon chog pa dang 'dra'o//
220a5 rigs kyi bu dper na ka ta ka'i 'bras bu chu rnyog ma can gyi nang du bcug na rnyog ma bsal te chu dang bar byed pa de bzhin du/ yongs su mya ngan las 'das pa'i mdo chen po 'di'ang ka ta ka'i 'bras bu bzhin du
220a6 sems can rnams kyi lam pa rnams dang / mtshams med pa'i las rnams kyi las kyi 'dam rdzab dang / rnyog ma bsal nas byang chub kyi rgyu la 'god par byed de/ 'dod chen pa ni ma gtogs so// ka ta ka'i 'bras
220a7 bus kyang rnyog ma dang bar byed par zad kyi/ lo stong gi bar du brdar du zin kyang 'dam rdzab de las chu dbyung bar ni mi nus so// de bzhin du 'dod chen pa'ang dge ba'i rtsa ba zad cing gzhi med par gyur pa yin pa//
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo