| e-texts navigator |
| བོད་ཡིག |
219a1 gzhan gyi 'od rnams ni mdo sde thams cad dang / ting nge 'dzin thams cad bsgom par bya ba bsgoms pa'i yongs su mya ngan las 'das pa chen po'i mdo chen po 'od las 'das te thal le ma
219a2 'dug go/ / yongs su mya ngan las 'das pa chen po'i mdo chen po'i 'od ni 'od thams cad las 'das te sa ler snang la/ sems can thams cad kyi spu drung du zhugs nas byang chub kyi sems mi dgos so snyam ste/
219a3 ma bskyed du zin kyang byang chub kyi rgyu nges par thob par 'gyur te/ de bas na ming yang yongs su mya ngan las 'das pa chen po zhes bya'o// gsol pa/ byang chub kyi sems mi dgos par 'dzin kyang sems can thams cad
219a4 kyi lus kyi ba spu'i lung bu thams cad du zhugs nas/ byang chub kyi rgyu mngon par 'grub par 'gyur zhes bgyi ba 'di la gtan tshigs bka' stsal 'tshal lags so// bcom ldan 'das bstan pa pham pa bgyid
219a5 pa dang / mtshams ma mchis pa bgyid pa dang / mdo sde spong ba dang 'dod chen pa dag kyang gda' lags na/ gal te sems ma bskyed de mi dgos par 'dzin kyang byang chub pa'i byang chub kyi rgyur du lags na
219a6 sangs rgyas kyis gsungs pa la bye brag ci mchis te/ yang na bzhi po de dag ma mchis zhes bshad 'tshal lags so// yang na des sdig pa 'byang bar 'gyur zhes bshad 'tshal lags so// bcom ldan
219a7 'das kyis bka' stsal pa/ 'dod chen pa ma gtogs pa/ yongs su mya ngan las 'das pa chen po'i mdo 'di rna lam du grag cing thos pa tsam gyis kyang thams cad la byang chub kyi rgyu yod par 'gyur te
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo