| e-texts navigator |
| བོད་ཡིག |
216b1 bzhin gshegs pa ni dpag tu med pa yin te/ de bas na rtag pa dang brtan pa yin no// dper na zla ba ni sems can thams cad kyi yid du 'ong zhing blta na sdug pa yin pas na de'i phyir ming zla ba zhes bya'o//
216b2 'dod pa'i dbang du gyur pa/ 'dod chags dang / zhe sdang dang / gti mug spyod pa rnams kyi yid du 'ong ba ni ma yin no// de bzhin du de bzhin gshegs pa dgra bcom pa yang dag par rdzogs pa'i sangs rgyas
216b3 kyang rang bzhin gyis sems can chos 'dod pa rnams kyi yid du 'ong ba dang / mchog tu blta na sdug pa yin no// sdang ba'i sems dang ldan pa gzhan dag gi yid du 'ong ba ni ma yin te/ de bas na de bzhin gshegs
216b4 pa zla ba dang 'dra ba yin no/ / dper na nyi ma dus tshogs gsum du 'gyur zhing 'pho ste/ dgun dang / dbyar dang / sos ka'i dus gsum du rgyu bar byed la/ dgun ni nyi ma myur ba kho nar 'gro'o//
216b5 dbyar ni nyi ma 'bring tsam du 'gro'o// sos ka'o ni nyi ma ring du thogs shing 'gro ste/ 'od shin tu tsha'o// de bzhin du de bzhin gshegs pa'ang 'jig rten gsum du skye ba rnam pa gsum ston par mdzad de/
216b6 sems can tshe thung ba rnams kyi nang du ni mchog tu sku tshe thung bar ston to// sems can rnams kyis sangs rgyas sku tshe thung ngo snyam du 'dzin to// nyan thos kyi theg pa pa rnams la ni dgun gyi nyi ma bzhin du sku tshe thung bar ston to//
216b7 byang chub sems dpa' sems dpa' chen po rnams la ni dbyar gyi nyi ma bzhin du sku tshe 'bring du ston to// sangs rgyas rnams la ni sos ka'i nyi ma bzhin du bskal pa 'am bskal pa las lhag par bzhugs par snang ngo //
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo