| e-texts navigator |
| བོད་ཡིག |
209a1 shing ngam/ til yang rung ste/ khu ba dang mar du gyur pa'i dus kyi bar du ni mi rtag pa'i khongs su 'dus so// bu ram shing gi tshogs ma dang / til gyi tshogs ma med par
209a2 gyur nas ni/ sems can thams cad la'ang phan 'dogs par 'gyur la/ rdzas rtag pa'i khongs su'ang 'dus par 'gyur ro// rigs kyi bu de bzhin du mdo sde thams cad dang / ting nge 'dzin
209a3 thams cad kyi bsgom pa bsgoms pa'i 'bras bu yongs su mya ngan las 'das pa chen po'i mdo chen po 'di sems can rnams kyis mthos kyi bar du ni mi rtag pa'i yongs su 'dus so/ / mdo rje
209a4 rin po che 'di thos nas ni/ rigs kyi bu 'am/ rigs kyi bu mo rnams nyon mongs pa dang bcas pa yin du zin kyang / nyon mongs pa med pa'i khongs su 'dus la/ sems can thams cad
209a5 la'ang phan 'dogs par 'gyur te/ de ci'i phyir zhe na/ bdag la de bzhin gshegs pa'i snying po yod par shes pa'i phyir ro// mchog tu rtag par shes nas kyang de dag 'jug par 'gyur ro// rigs
209a6 kyi bu gzhan yang dper na chu klung thams cad ni rgya mtsho'i khongs su 'dus so/ / rigs kyi bu de bzhin du mdo sde thams cad dang / ting nge 'dzin thams cad dang / theg pa chen po ni yongs su mya ngan
209a7 las 'das pa chen po'i mdo chen po 'di'i khongs su 'dus so/ / de ci'i phyir zhe na/ 'di las de bzhin gshegs pa'i snying po shin tu yongs su mthar thug pa gsal bar bstan pa'i phyir te/
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo