| e-texts navigator |
| བོད་ཡིག |
203b1 de'i phyir de la 'jig rten skyong ba zhes bya'o// yongs su mya ngan las 'das pa chen po'i mdo sde chen po 'di ni/ sems can gzhan dag gi don gyi phyir dbang phyug rnams kyis zhus so// dab
203b2 phyug rnams kyis yongs su bzung ngo / / dbang phyug rnams kyis bshad do// dbang phyug rnams kyis dam pa'i chos mchog tu 'bar bar byed do// dbang phyug rnams kyi phyir ngas bstan te/
203b3 ngas ci bstan ce na/ yongs su mya ngan las 'das pa chen po'i mdo chen po bstan to// de bas na dbang phyug dbang phyug dang ldan pa rnams kyi shin tu rgyas pa yin te/ 'di la phrag dog byed
203b4 ba rnams ni zhing la zhing gi ngo bsal ba bzhin du tshar gcad par bya'o/ / de la sogs pa'i don du ma rgyas par byed pa na de'i phyir ngas I zhes bya ba bstan to// u zhes bya ba ni rgyud phyi ma ste/
203b5 mdo sde 'dis mdo sde thams cad kyi don phyi ma'i yang phyi ma bstan to// ngas nyan thos dang rang sangs rgyas thams cad kyis sngon ma thos pa'i yi ge gcig pa 'am thig le gcig bstan to//
203b6 mdo chen po 'di ni mchog dam pa yin te/ dper na byang gi sgra mi snyan gyi sems can rnams bsod nams dang ldan pa de bzhin du/ mdo sde chen po 'di nyan pa gang yin pa de dag ni
203b7 'jig rten las 'das pa ste/ de dag ni byang chub sems dpa' sems dpa' chen po yin par rig par bya'o// de bas na che ba zhes bya ste/ rgyud phyi ma zhes bya ba'i don to//
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo