| e-texts navigator |
| བོད་ཡིག |
201b1 nas shi'o/ / gzhan yang che'o cog gis ral gri de btsal kyang ma rnyed do// de nas rgyal po'i bu gzhan zhig rgyal sar bcug nas des ral gri de rnyed do// gzhan dag ni ma rnyed bzhin du rgyal po
201b2 byed do/ / de ltar gcig nas gcig tu brgyud pa'i rgyal po de dag gos ni ral gri de ma mthong ste/ ral gri de 'di lta bu 'di 'dra ba zhig go/ lug ru 'dra ba zhig go// ra ru 'dra ba zhig go snyam
201b3 du rtog par byed do/ / la cig ni ci dga' dgur rtogs par byed pa de bzhin du/ byang chub sems dpa' sems dpa' chen po'ang mtha'i rgyal po'i bu de dang 'dra bar 'jig rten du byung ste/
201b4 bdag gi de kho na nyid bstan nas 'chi bar byed do// de nas blo chung ba gang yin pa de dag ni sems can thams cad la bdag 'di lta bu zhig 'di 'dra ba zhig yod do snyam ste/ log par mthong nas shes rab med pa
201b5 rnams la rmi lam du mi rmis pa bzhin du ston par byed do/ / 'jig rten pa de dag gis kyang de skad du thos nas rang gi lus la bdag gi khams yod do snyam du rtog par byed la/ de dag gis
201b6 bdag de'i rang bzhin ni mi shes so/ / de ltar byang chub sems dpa'i tshig thos nas log par bzung ste ral gri ra ru 'dra bar rtog pa de bzhin du rnam pa mang por rtog par byed do// 'jig rten
201b7 pa rnams skyes bu mthe bo tsam zhes bya ba dang / ldum bu sha ka'i 'bras bu tsam dang / 'bras kyi 'bru tsam zhig snying la gnas te 'bar ro zhes log par rtog par byed de/ de dag gi lta ba de ni
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo