| e-texts navigator |
| བོད་ཡིག |
191a1 pa ni ma mchis par/ / bu zhes kyang ni ji skad bgyi// bu chags na ni skye 'gyur te// bsam dang las kyi don kyang mchis// thub pa khyod ni ci gsung nga // blo med
191a2 rnams kyis mi rtogs te/ / 'khor ba'i btson rar thams cad kyang // 'khor lo gcig tu 'khyam par 'gyur// de phyir de dag ming tsam gyi// dge bsnyen du yang mi 'gyur lags//
191a3 thub pa bdag la phye ste gsungs// the tsom myur du gcad par gsol// ye shes che ldan de bzhin gshegs// dgongs pa ci 'dra bstan du gsol// bcom ldan 'das kyis bka' stsal
191a4 pa byang chub sems dpa' sems dpa' che/ / 'od srungs chen po dam pa mchog/ dgongs pa de yang bstan par bya// khyod kyi the tsom gcad par bya// sangs rgyas la ni skyabs
191a5 song bas/ / dge bsnyen nyid ni thob par 'gyur// lha rnams de dag thams cad ni// de tshe de yi skyabs ma yin// chos la skyabs su song na yang // 'dir ni 'tshe ba spong bar
191a6 'gyur/ / dge 'dun la yang skyabs song na// de bzhin dge bsnyen dag tu 'gyur// des na 'di las phyi rol rnams// de yi yon gnas ma yin la// ji ltar 'jigs pa med pa
191a7 rnams/ / skyabs kyi gzhi gsum thob par 'gyur// gsol pa/ de'i phyir dngos gsum 'jigs pa la// bdag ni skyabs su mchi bar bgyi// 'di nyid dam pa rnams kyi lam//
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo