| e-texts navigator |
| བོད་ཡིག |
185b1 gi nu ma gnyis nim pa'i lo ma btags pa 'da' gus bskus nas rang gi bu la'ang 'di skad ces bsgo ste/ bu gcig nga'i nu ma dug gis bskus kyis/ bu gcig khyod ma nu zhig ces byas so//
185b2 de nas khye'u de skom ste/ nu ma btung ngo snyam du bsams na'ang nu ma nim pa'i lo ma'i dri bro nas ngus te cho ga'i mthar ma phyin gyi bar du rang sdod do// de nas cho ga zin nas bud des rang gi nu ma
185b3 gnyis chus bkrus bu de la smras pa/ kye bu gcig da ni nu ma nus shig ces byas na khye'u des dug yod snyam ste nur ma btub nas ngu zhing 'dug ste/ lta yang mi lta'o// de nas yang smras pa/
185b4 sngar ni khyod kyi sman mar de ma zhu ba la thogs te nu ma nur mi gzhug pa'i phyir ngas nu ma gnyis nim pa'i lo ma'i 'da' gus bskus te/ khyod la gnod par 'gyur zhing shir dogs nas nur ma
185b5 bcug pa yin gyis/ da ni nu zhig ces byas nas nur bcug ste/ des kyang dal bus nu ma nus so// rigs kyi bu de bzhin du ngas kyang sngar ni gdul bar bya ba'i dbang gis byis pa'i sman
185b6 mar zhu bar bya ba bzhin du/ dge slong rnams kyis 'jig rten pa'i lta ba gzhom par bya ba'i phyir dang / 'jig rten las 'das pa'i che ba nyid yang dag par bstan pa'i phyir dang / 'jig
185b7 rten po'i bdag gi de kho na nyid brdzun par yang dag par bstan pa'i phyir dang / bdag med pa bsgoms par lus rnam par dag par bya ba'i phyir dge slong dag chos thams cad bdag med par sgoms
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo