| e-texts navigator |
| བོད་ཡིག |
174a1 dang de dag ni sems can thams cad la phan pa dang / thugs brtse ba'i phyir theg pa chen po'i tshul du gsungs pas na/ bdag gis kyang shin tu rgyas pa zhes bya ba bshad par
174a2 bya'o/ zhes zer ba de ltar dam 'cha' bar byed pa gang yin pa de dag gi ston pa ni nga yin gyi/ de ma yin pa rnams kyi ston pa ni nga ma yin no// de dag ni nga'i phyir rab tu byung ba ma yin te/ de dag
174a3 thams cad ni mu stegs pa'i bu yin no zhes zer ba de lta bu ni sangs rgyas kyis gsungs pa'i mdo sde dang / 'dul ba yin par rig par bya'o zhes de skad smros shig/ bdud kyis
174a4 smras pa'i mdo sde dang / 'dul ba tshad mar byed pa'i sems can gang yin pa de dag ni bdud dang mthun par byed pa yin par rig par bya'o// sangs rgyas kyis gsungs pa'i mdo sde dang /
174a5 'dul ba tshad mar byed pa gang yin pa de dag ni byang chub sems dpa' yin par rig par bya'o// de bzhin gshegs pa ni yon tan dpag tu med pa dang ldan pa ma yin no// mi rtag go/
174a6 yongs su mya ngan las 'das pa'o// stong par gyur pa'o// bdag med pa ston pa'o// 'jig rten dang mthun par byed pa ma yin no// zhes zer ba de lta bu'i mdo sde ni bdud kyis smras pa'i
174a7 mdo sde dang / 'dul ba yin par rig par bya'o// sangs rgyas bcom ldan 'das ni bsam gyis mi khyab cing / yon tan bsam gyis mi khyab/ dpag tu med grangs med pa dang ldan pa yin no// rtag pa'o//
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo