rKTs

e-texts navigator

Volume

Page

169b₁ phyogs dang phyogs mtshams rnams su gom pa bdun bdun gshegs par bstan to zhes bya ba 'di ni yid ches par byar mi rung ste/ de lta bu'i mdo sde dang / 'dul ba ni bdud kyis smras
169b₂ pa yin par rig par bya'o/ / de bzhin gshegs pa byung nas phyogs dang phyogs mtshams rnams su gom pa bdun bdun gshegs par bstan pa ni/ de bzhin gshegs pa'i thabs kyi sku
169b₃ ba yin no zhes zer ba de lta bu ni sangs rgyas kyis gsungs pa'i mdo sde dang / 'dul ba yin par rig par bya'o// bdud kyis spras pa'i mdo sde dang / 'dul ba tshad mar byed pa'i sems can
169b₄ gang yin pa de dag ni bdud dang mthun par byed pa yin par rig par bya'o/ / sangs rgyas kyis gsungs pa'i mdo sde dang / 'dul ba tshad mar byed pa'i sems can gang yin pa de dag ni byang chub
169b₅ sems dpa' yin par rig par bya'o/ / de bzhin gshegs pa lha khang du gshegs te byon nas lha rnams kyi zhabs la phyag bzhes te/ lha rnams ni de bzhin gshegs pa'i zhabs la mgo
169b₆ bos phyag 'tshal lo/ / lha rnams la mchod pa mdzad pa'i 'og tu de bzhin gshegs par gyur nas mngon par sangs rgyas te/ lha rnams ni snga/ 'di ni 'phyis pas na/ de'i phyir mngon
169b₇ par rdzogs par sangs rgyas pa zhes bya'o zhes zer ba la sogs pa ni bdud kyis smras pa yin par rig par bya'o/ / de bzhin gshegs pa lha khang du gshegs te byon pa mthong nas/ dbang

_{iiif viewer powered by OpenSeadragon}

169a - 170a

Texts on this page