| e-texts navigator |
| བོད་ཡིག |
133b1 myu gu 'byung bar 'gyur ba bzhin du/ thar pa ni de lta ma yin no// ma byung ba gang yin pa de ni thar pa'o// thar pa gang yin de ni de bzhin gshegs pa ste ma byung ba'o// de bzhin gshegs
133b2 pa ni ma byung ba kho na ste/ de bzhin gshegs pa ni myu gu yod pa dang med par 'gyur ba de bzhin du yongs su brtag par mi bya'o// de bzhin gshegs pa ni rang bzhin gyis ma byung ba ste/
133b3 de bas na ma byung ba'o// ma byung ba zhes bya ba ni ma byas pa'o// ma byas pa zhes bya ba ni ji ltar grong khyer dang / grwa'i yang thog dang / sgo khang byed pa de bzhin du/ thar pa ni de lta ma yin
133b4 tem byas pa gang yin pa de ni thar pa'o/ / de ni de bzhin gshegs pa'o// 'dus ma byas pa 'dus ma byas pa zhes bya ba ni// ji ltar rdza mkhan gyis snod byas nas/ de'i 'og tu zhig
133b5 par 'gyur ba bzhin du/ thar pa ni de lta ma yin no// thar pa ni skye ba'ang med/ 'gag pa'ang med do// thar pa gang yin pa de bzhini gshegs pa ste/ skye ba'ang med/ 'chi
133b6 ba'ang med do/ / gang skye ba med pa dang / ma zhog pa dang / rga ba med pa dang / 'chi ba med pa dang / 'dus ma byas pa de ni de bzhin gshegs pa ste/ de bas na de bzhin gshegs
133b7 pa ni yongs su mya ngan las 'das pa chen por 'gro ba'o/ / rga ba med pa dang 'chi ba med pa zhes bya ba ni/ mgo dkar ba dang / rga ba dang / na ba dang / 'chi ba'i chos dang / 'dus
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo