| e-texts navigator |
| བོད་ཡིག |
132b1 bka' stsal pa/ rigs kyi bu srog chags rmas pa thams cad kyi nad gso bar byed ces de skad ma zer cig/ gsor mi rung ba'i sems can gzhan rnams ni gso bar mi byed do// de ci'i phyir zhe na//
132b2 de dag gi nad ni gsor mi rung ba yin te/ de bzhin du de bzhin gshegs pa ni gsor mi rung ba'i nad 'dod chen po ma gtogs par/ nad pa thams cad gso bar mdzad de/ gang mya ngan las
132b3 'das pa de dag gsos pa yin no/ / gsol pa/ thar pa ji lta bu lags/ gzugs can lags sam/ gzugs ma mchis lags/ bka' stsal pa/ kha cig ni gzugs can no//
132b4 kha cag ni gzugs can ma yin pa ste/ gzugs can ma yin pa ni nyan thos dang rang sangs rgyas rnams kyi'o// sangs rgyas bcom ldan 'das rnams kyi ni gzugs can yin no// thar pa de ni
132b5 gzugs dang gzugs med pa yin la/ gzugs ma yin no zhes byar yang mi rung ngo // gsol ba/ ci'i slad du lags/ bka' stsal pa/ 'od srungs chen po dang rus gcig pa
132b6 dper na 'du shes med 'du shes med min gyi lha rnams kyi lus ni gzugs dang gzugs med pa yin la/ gzugs yin no zhes byar yang mi rung ba bzhin no// gsol ba// 'du shes med 'du
132b7 shes med min gyi lha rnams gzugs dang / gzugs ma mchis pa lags la/ gzugs kyang ma lags na/ de dag ji ltar ma mchis pa dang / ji ltar rgyu ba bstan du gsol/ bka'
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo