| e-texts navigator |
| བོད་ཡིག |
125b1 par ni/ ngas 'gro ba bzhi po rnams su skye bar bstan te/ de'i las byed pa'ang ma yin no// dud 'gro'i skye gnas su 'jug pa'ang 'jig rten dang mthun par bya ba tsam du zad do// 'dzam bu'i
125b2 gling la lar ni/ ngas tshangs pa'i gzugs bstan te/ tshangs pa la dad pa'i sems can rnams la bgegs bya ba bstan nas/ dam pa'i chos la 'god par byed la/ de'i las byed pa'ang ma
125b3 yin te/ sems rnams kyis tshangs pa'i bdag po'o snyam du yang dag par shes so// de bzhin du lha thams cad kyi gnas su de'i gzugs kyis bgegs byas nas/ sems can thams cad dam/
125b4 pa'i chos la 'god par byed de/ sems can rnams kyis lha thams cad kyi gnas kyi bdag po'o snyam du yang dag par shes so// 'dzam bu'i gling la lar ni/ ngas smad 'tshong ma rnams nges par
125b5 bsgral ba'i phyir/ smad 'tshong ma'i khyim du 'gro bar bstan la/ nga la 'dod pa'i nyes pa'ang mi skye ste/ chu'i nang gi pad+ma bzhin du nga la 'dod pa rnams kyi nyes pas mi gos so// nga ni 'dod pa la
125b6 chags pa'i sems can rnams 'dod pa'i chu bo las nges par bsgral ba'i phyir/ bzhi mdo dang sum mdo thams cad du'ang snang mod kyi/ de'i las byed pa'ang ma yin te/ sems can rnams kyis
125b7 ni 'di ni yul rgyu ba yin no snyam du yang dag par shes so/ / 'dzam bu'i gling la lar ni/ nga rol mo pa rnams dam pa'i chos la gzud pa'i phyir nga rol mo'i gnas su 'gro bar byed mod kyi/ nga ni las
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo