| e-texts navigator |
| བོད་ཡིག |
118b1 pa nyid ma lus par bshad du gsol/ bka' stsal pa/ rigs kyi bu gzhan yang dper na 'khor los sgyur ba'i rgyal po rang gi btsun mo'i 'khor du song ba las thang cig skyed mos tshal gzhan zhig/
118b2 tu byung ste/ de der song nas rtse bar byed pa na/ gang gi tshe rgyal po de btsun mo'o 'khor nas mi snang bar gyur pa de'i tshe shi'o snyam pa'i 'du shes bskyed par mi bya'o// rigs kyi bu de bzhin du de bzhin gshegs
118b3 pa ni chos nyid las nyams par mi 'gyur te/ rgyal po dang 'dra bar 'dzam bu'i gling du de bzhin gshegs pa mi rtag par gyur to zhes grangs pa'i 'du shes bskyed par mi bya'o// ji ltar rgyal po btsun mo'i 'khor
118b4 nas skyed mos tshal du song ste rtse ba de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang nyon mongs pa'i rnam pa nyid kyi btsun mo'i 'khor lta bu las nges par byung ste/ nyon
118b5 mongs pa med par bcom ldan 'das gzungs sna tshogs dang / byang chub kyi yan lag gi me tog sna tshogs dang ldan pa'i skyed mos tshal du gshegs nas/ de bzhin gshegs pa nyon mongs pa dang bral ba nyid kyis
118b6 sku'i thabs ston pa sna tshogs kyis rol par mdzad do/ / gsol pa/ de bzhin gshegs pa bskal pa grangs med pa bye ba snyed kyi nyon mongs pa rgya mtsho ngas par brgal ces bgyi ba 'di la gtan tshigs bka' stsal
118b7 'tshal lo/ / da ltar mngon sum du de bzhin gshegs pa sgra gcan thon gyi ma dang lhan cig tu 'dod pa rnams bsten pa dang / sgra gcan zin gyi yab tu gyur par yang bstan te/ de bas na de bzhin gshegs pa ni
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo