| e-texts navigator |
| བོད་ཡིག |
108b1 pa chen po zhes bya ste/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa// yongs su
108b2 dag pa/ yongs su byang ba/ rdo rje lta bu'i gter dang / che bar grags pa yin no// rigs kyi bu dper na gang+gA dang ya mun la sogs pa chu klung brgyad ni rgya mtsho chen po kho nar 'bab pa de bzhin du
108b3 nyon mongs pa rnam pa sna tshogs bye ba snyed kyi rang bzhin gyi bdud la sogs pa bdud thams cad las rnam par rgyal ba ni/ yongs su mya ngan las 'das pa chen po lus 'dor zhing 'chi ba/ 'di kho na nyid
108b4 du 'du bar 'gyur te/ de bas na yongs su mya ngan las 'das pa chen po zhes bya'o// gzhan yang dper na sman dpyad rig pa gsum la sogs pa'i rig pa rnams ni/ rang rang gi rgyud phyi ma kho na'i khongs
108b5 su 'du bar 'gyur ba de bzhin du/ de bzhin gshegs pas gsungs pa'i dgongs pa'i cho ga gsang ba'i chos kyi sgo rnam pa sna tshogs thams cad kyang / yongs su mya ngan las 'das pa chen po kho na'i
108b6 khongs su 'du bar 'gyur bas na/ de'i phyir yongs su mya ngan las 'das pa chen po zhes bya'o// dper na dbyar gyi dus zhing pas gshol chen pos rmos te/ sa bon btab nas/ sa bon 'grub par
108b7 'dod la/ grub nas ni thams cad grub pa'i mthar thug pa de yin pa'i phyir/ 'dod pa med par 'gyur ba de bzhin du/ sems can rnams kyis mdo thams cad kyi ting nge 'dzin bsgoms zin
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo