| e-texts navigator |
| བོད་ཡིག |
107a1 sems dpa'i dge 'dun rang bzhin gyis rnam par dag pa'o/ / tshul khrims 'chal pa'i dge 'dun rnam pa gnyis zlog par byed pa gang yin pa de dag ni/ slob dpon zhes bya'o//
107a2 'dul ba 'dzin pa zhes bya ba ni/ gdul bar bya ba'i dbang gis bslab pa'i gzhi de dang de dag shes te/ rngams chen po'ang shes so// rngams chung ngu'ang shes so// 'dul ba ma yin pa ni brtsan
107a3 par mi byed do/ / 'dul ba ni brtsan par byed do// gdul bar bya ba'i dbang ji ltar shes she na/ byang chub sems dpa' gdul bar bya ba'i dbang gis grong khrod du 'gro ba yod do// de ni bud
107a4 med dang gar mkhan mo'i 'dun khang dang / yugs mo'i khyim dang / smad 'tshong ma'i khyim ma togs par/ khyim gyi nang ngam/ 'dun khang gang du 'gro 'dod kyang rung ste/ de la der 'gro ba'i dus
107a5 nges pa med do/ / byang chub sems dpa'i dge slong gis ni/ lo grangs mang po yang grong khrod du rgyu bar bzod kyi/ nyan thos kyi dge slong gis ni mi bzod do// rngams chen po dang / rngams
107a6 chung ngu ji ltar shes she na/ rngams chen po zhes bya ba ni/ de bzhin gshegs pas don gyi dmigs byung ba gang gzigs na/ de ltar gzigs pa'i 'og tu/ phas pham pa bzhi po 'di lta bu phyin
107a7 tshad ma byed cig/ gal te khyed kyis byas na/ rab tu dbyung du med par 'gyur ro zhes bslab pa'i gzhi 'cha' bar mdzad pa de ni rngams chen po zhes bya'o// rngams chung ngu zhes bya ba ni 'di na la la
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo