| e-texts navigator |
| བོད་ཡིག |
101a1 chen po des na/ byang chub sems dpa' sems dpa' chen po rnams tshe'ang ring bar 'gyur la/ tshe rabs kyang dran par 'gyur ro// 'phags pa yongs su mya ngan las 'das
101a2 pa theg pa chen po'i mdo las 'tshe ba med pa'i phung po'i le'u ste dang po'o/ / rigs kyi bu de ni de bzhin gshegs pa rtag pa'i sku dang / mi shigs pa'i sgra dang / rdo rje'i sku dang
101a3 sha'i sku ma yin pa dang / chos kyi skur ltos shig/ gsol pa/ gal te de bzhin gshegs pa yongs su mya ngan las 'da' bar mdzad na ni/ bdag de ltar mi lta lags so// gal te yongs su
101a4 mya ngan las 'da' bar gyur na/ gzhig tu rung ba'i sku dang / thal ba'i sku dang / sha'i skur blta bar 'tshal lo// bka' stsal pa/ rigs kyi bu mi'i lta bur sob sob pa'i lus dang / gzhig
101a5 tu rung ba'i lus zhes de skad ma zer cig/ 'od srungs chen po dang rus gcig pa/ de bzhin gshegs pa ni bskal pa bye ba phrag du ma nas mi shigs pa'i sku dang ldan zhing mi'i lus ma yin/ lha'i
101a6 lus ma yin/ srid pa thams cad kyi lus ma yin/ sha'i lus ma yin te/ de bzhin gshegs pa'i sku ni lus med pa/ ma skyes pa/ ma 'gags pa/ yod pa ma yin pa/ 'jug pa med pa//
101a7 mthar thug pa med pa/ gnas pa med pa/ rnam par shes pa med pa/ kun tu spyod pa med pa/ shin tu dag pa/ ci'ang ma yin pa/ zin pa ma yin pa/ rkang pa med pa/ gnas pa med pa/
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo