| e-texts navigator |
| བོད་ཡིག |
397b1 do/ / ci nas phyi ma'i dus phyi ma'i tshe/ chos kyi rnam grangs 'di lta bu khyod kyis byin gyi rlabs kyis yongs su bzung bas/ 'dzam bu'i gling du rgyas par 'gyur zhing ma nub par gyis shig/ de ci'i phyir zhe na/
397b2 byams pa ma 'ongs pa'i dus na/ rigs kyi bu po dang / rigs kyi bu mo dang / lha dang / klu dang / gnod sbyin dang / dri za dang / lha ma yin dge ba'i rtsa ba bskyed pa/ bla na med pa yang dag par rdzogs pa'i byang
397b3 chub la yang dag par zhugs pa de dag chos kyi rnam grangs 'di ma thos pas nyams par gyur ta re/ 'di lta bu'i mdo sde thos nas shin tu dga' zhing dad pa rnyed par 'gyur ba dang / spyi bos len par 'gyur ba'i
397b4 rigs kyi bu dang / rigs kyi bu mo de dag bsrung ba'i phyir byams pa khyod kyis de'i dus na mdo sde 'di lta bu 'di rgyas par gyis shig/ byams pa byang chub sems dpa' rnams kyi phyag rgya ni 'di gnyis te/
397b5 gnyis gang zhe na/ tshig dang chog 'bru sna tshogs la dad pa'i phyag rgya dang / chos kyi tshul zab mos mi skrag cing yang dag pa nyid ji lta ba bzhin du 'jug pa'i phyag rgya ste/ byams pa de gnyis ni byang chub sems
397b6 dpa' rnams kyi phyag rgya'o/ / byams pa de la byang chub sems dpa' gang dag tshig dang tshig 'bru sna tshogs la dad cing lhur len pa de dag ni las dang po pa yin te/ tshangs par spyad nas ring por ma lon par rig par
397b7 bya'o/ / byams pa gang dag mdo sde zang mo ma gos pa phrugs dang snrel zhi'i rgyud kyi tshig dang / rim pa rab tu dbye ba 'di 'den pa dang / nyan pa dang / mos pa dang / ston par 'gyur ba'i byang chub sems dpa' de dag ni ring
iiif viewer powered by OpenSeadragon
Texts on this page
S171 - 'phags pa dri ma med par grags pas bstan pa zhes bya ba theg pa chen po'i mdo