| e-texts navigator |
| བོད་ཡིག |
363a1 tobacom ldan 'das gang bcom ldan 'das kyis nyan thos kyi theg pa las brtsams te chos bstan pa de la ni bdag tha na spu zing zhes bgyid pa tsam yang ma mchis so/ /
363a2 gang bcom ldan 'das kyis byang chub sems dpa' phyag rgya de bzhin gshegs pa'i byin gyi rlabs kyis byin gyis brlabs pa/ byang chub sems dpa' thams cad kyi byang chub kyi lam la
363a3 'jug pa/ sems can thams cad kyi ston pa'i chos kyi rnam grangs 'di gsung ba des bdag mya ngan gyi zug rngu dang ldan zhing bdag rnyis par gyur par snyam bgyid do// bcom ldan
363a4 'das bdag la phyag brkyang ba stsal du gsol/ gang thos pas bdag mya ngan gyi zug rngu dang ldan par 'gyur pa'i chos kyi rnam grangs 'di lta bu'ang mi gsung bar gsol/ bcom ldan 'das kyis
363a5 bka' stsal pa/ sdig can khyod dang 'thun pa'i sems can chos zab mo 'di lta bu la mo mos pa ni mang / gang dag mos pa'i sems can de dag ni nyung gis mya ngan ma byed/ smre sngags ma
363a6 'don cig/ sdig cen khyod 'di lta ste/ dper na sa'i steng nas rdul blangs pa snyed kyi sems can ni chos kyi rnam grangs zab mo 'di lta bu la mos so// sa'i rdul ji snyed pa de skyed
363a7 kyi sems can ni chos kyi rnam grangs zab mo 'di la mi mos te/ de dag thams cad ni khyod dang 'thun no// sems can gyi khams tshad med pa khyod dang 'thun gyis/ de bas na sdig can
iiif viewer powered by OpenSeadragon
Texts on this page
S165 - 'phags pa mi 'am ci'i rgyal po sdong pos zhus pa zhes bya ba theg pa chen po'i mdo