| e-texts navigator |
| བོད་ཡིག |
273b1 dgra bcom rgyal po nyon mongs rdul bsal ba// 'tsho ba dag cing brtul zhugs tshul khrims gnas// lha yi lha mchog dri med dri ma bral// pha rol tshogs 'joms khyod la phyag 'tshal lo// bde
273b2 gshegs rin chen mchog tu dga' mdzad pa/ / dgon par rtag gnas rtag tu dgon par dges// rdul skyon gti mug rnyog pa mi mnga' ba// nam mkha' mnyam thugs khyod la phyag 'tshal lo//
273b3 chu bo bzhi rga la bden bzhi bka' mchid gsung // mig sbyin bdud rtsi chos kyi bka' mchid can// 'gro ba'i don mdzad 'jig rten gsum rgyu ba// 'khor lo zhabs mnga' khyod la phyag 'tshal lo// lha dang
273b4 mi yis mchod pa'i mthu bo che/ / mgon po lha yi dbang po bdud 'joms pa// mi dang lha klu tshogs kyis mchod pa yi// mi mchod dam pa khyod la phyag 'tshal lo// rtag tu bden sdud dam pa'i chos la
273b5 dgyes/ / mnyam thugs 'gro ba kun la byams pa'i thugs// chos la mnyam gnas mi rnams kha lo sgyur// yon tan mthar phyin khyod la phyag 'tshal lo// snyan pa'i sgra dbyangs rnam par dag
273b6 dang ldan/ / tshangs pa'i sgra dbyangs lta bur 'jam pa'i gsung // dbyangs kyi yan lag rab tshul kun rdzogs pa// bden pa snyan gsung khyod la phyag 'tshal lo// stong pa mtshan ma med cing smon dang bral/
273b7 zab mo lta dka' shin tu rtogs par dka'// thar la 'jug par mkhas pa blo gros ldan// thar pa'i lam nges khyod la phyag 'tshal lo// rgyu la rten pa mkhas pa'i bcom ldan 'das// mtha' gnyis lta ba
iiif viewer powered by OpenSeadragon
Texts on this page
S165 - 'phags pa mi 'am ci'i rgyal po sdong pos zhus pa zhes bya ba theg pa chen po'i mdo