rKTs

e-texts navigator

Volume

Page

263a₁ de nas 'khor der lha'i bu lnga brgya tsam gyis/ bcom ldan 'das la 'di skad ces gsol to// bcom ldan 'das bdag cag kyang byang chub la mngon par mi dga'/ mngon par ma chags/ mi
263a₂ dmigs/ mi 'tshal/ mi smon/ mi rtog/ rnam par mi rtog na/ ci'i slad du bcom ldan 'das kyis bdag cag bla na med pa yang dag par rdzogs pa'i byang chub tu lung mi bstan to// de nas sangs rgyas kyi mthus steng gi
263a₃ babar snang la sangs rgyas stong phrag brgyad cu rtsa bzhi mthong ste/ de bzhin gshegs pa de dag gis de dag bla na med pa yang dag par rdzogs pa'i byang chub tu lung bstan to// de nas bcom ldan 'das la// lha'i bu de
263a₄ dag gis 'di skad ces gsol to/ / bcom ldan 'das de bzhin gshegs pas 'di skad du byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/
263a₅ mi sems// mi rtog/ rnam par mi rtog pa de byang chub tu lung bstan par 'gyur ro zhes legs par gsungs pa de ni ngo mtshar te/ bcom ldan 'das bdag cag gis steng gi phyogs na/ sangs rgyas stong phrag brgyad
263a₆ cu rtsa bzhi mthong ste/ de bzhin gshegs pa de dag thams cad bdag cag la bla na med pa yang dag par rdzogs pa'i byang chub tu lung ston to// de nas 'jam dpal gzhon nur gyur pas/ bcom ldan 'das la 'di skad
263a₇ ces gsol to/ / bcom ldan 'das gang slad ma'i dus lnga brgya pa tha ma la 'dzam bu'i gling 'dir chos kyi rnam grangs 'di rab tu spod pa dang / yun ring du gnas par 'gyur ba dang / rigs kyi bu dang / rigs

_{iiif viewer powered by OpenSeadragon}

262b - 263b

Texts on this page