| e-texts navigator |
| བོད་ཡིག |
260b1 pa'i chos la bzod pa rab tu thob ste/ tshig kyang 'di skad du 'jam dpal de de bzhin no// ji skad smras pa de bzhin te/ thos pa med pa ni chos thos pa'o zhes 'dzer to// de nas tshang
260b2 pa khyad par sems kyis/ bzod pa rab tu thob pa'i byang chub sems de dag la 'di skad ces smras so// khyed kyis chos kyi rnam grangs 'di thos sam/ smras pa/ tshangs pa thos pa med pa'i tshul
260b3 gyis thos so/ / smras pa/ khyed kyis chos kyi rnam grangs 'di ji lta bur shes/ smras pa/ ji ltar shes pa med pa dang / rnam par shes pa med pa de ltar ro// smras pa/ khyed kyis
260b4 chos gang rab tu thob pas bzod pa rab tu thob par 'gyur/ smras pa/ chos thams cad rab tu thob pa med pa'i phyir ro// smras pa/ chos kyi rnam grangs 'di ji ltar rtogs par bya/ smras pa/
260b5 rtogs par bya ba med pa'i tshul gyis so// smras pa/ chos bstan pa 'di khyed kyis mngon sum yin nam/ smras pa/ tshangs pa chos thams cad bdag dang gzhan med pa'i phyir mngon sum yin no//
260b6 denas 'khor de nyid du lha'i bu dri ma med pa'i rtog ces bya ba 'dus par gyur pa des tshangs pa khyad par sems la 'di skad ces smras so// tshangs pa gang chos kyi rnam grangs 'di las chung
260b7 dun nyan par 'gyur ba de dag gal te de bzhin gshegs pas lung ma bstan kyang kho bos de dag bla na med pa yang dag par rdzogs pa'i byang chub tu lung bstan to/ / de ci'i phyir zhe na
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo