rKTs

e-texts navigator

Volume

Page

255a₁ du skyes bu dam pa de dag kyang thams cad mkhyen pa nyid la gzhol/ thams cad mkhyen pa nyid du 'bab/ thams cad mkhyen pa nyid du bab pa'o// 'od srungs 'di
255a₂ lta ste/ dper na rgya mtsho chen po ni shi ba'i ro dang lhan cig mi gnas so// 'od srungs de bzhin du skyes bu dam pa de dag kyang nyan thos dang rang sangs rgyas kyi sems dang lhan cig tu mi
255a₃ gnas so/ / ser sna dang / ngang tshul ngan pa'i sems dang / gnod sems dang / le lo'i sems dang / brjed ngas pa dang / 'chal pa'i shes rab kyi sems dang lhan cig
255a₄ mi gnas so/ / bdag dang / sems can dang / srog dang / gang zag dang / skyes bur lta ba dang lhan cig mi gnas so// 'od srungs 'di lta ste/ dper na bskal pas bsregs
255a₅ par gyur pa'i tshe/ klung dang / chu bran dang / chu mig dang / mtshe'u dang / rdzing bu dang / mtsho thams cad sngar skam par 'gyur te/ phyis rgya mtsho chen po zad cing skam par 'gyur ro// 'od srung
255a₆ de bzhin du dam pa'i chos nub par 'gyur ba'i tshe nyi tshe bar spyod pa la zhugs pa'i sems can thams cad kyi dam pa'i chos sngar nub par 'gyur te/ phyis skyes bu dam pa blo gros rgya mtsho lta bu sangs rgyas
255a₇ kyi theg pa yang dag par 'dzin pa de dag gi lag nas dam pa'i chos nub par 'gyur te/ yang 'od srungs skyes bu dam pa de dag ni srog kyang yongs su gtong bar byed kyi/ dam pa'i chos yongs su

_{iiif viewer powered by OpenSeadragon}

254b - 255b

Texts on this page