rKTs

e-texts navigator

Volume

Page

247b₁ ldan 'das de lta bu'i spobs pas ni mu stegs can gyi gnas thams cad gzhom par nus so/ / de ci'i slad du zhe na/ bcom ldan 'das wa ni seng ge'i sgra bzod par yang mi nus na/ rab tu/
247b₂ sgrogs par lta ga la nus te/ bcom ldan 'das de bzhin du pha rol rgol ba thams cad kyis bla na med pa'i seng ge'i sgra bzod par mi nus so// de nas lha'i bu phyir mi ldog pas/ lha'i dbang
247b₃ po brgya byin la 'di skad ces smras so/ / ko'u shi ka seng ge'i sgra seng ge'i sgra zhes bya ba ji tsam gyis na seng ge'i sgra zhes bya/ smras pa/ lha'i bu chos gang la'ang mngon par ma chags par
247b₄ brjod pa de dag gi seng ge'i sgra yin no/ / gang de lta bu la mngon par chags par brjod pa de dag gi seng ge'i sgra ma yin te/ wa'i sgra'o// gang lta ba kun tu slong ba ston pa de dag la seng ge'i sgra
247b₅ mad do/ / lha'i dbang po brgya byin gyis smras pa/ lha'i bu khyod seng ge'i sgra ji lta bu yin pa spobs par bgyis shig/ smras pa/ ko'u shi ka gang de bzhin gshegs pa la'ang mngon par ma
247b₆ chags par spyon na/ chos ngan pa gzhan lta ci smos te/ de'i phyir seng ge'i sgra zhes bya'o// yang dag pa'i don ni seng ge'i sgra ste/ de'i phyir seng ge'i sgra zhes bya'o// 'di ni mgo gcig tu
247b₇ bstan pa yin te/ de'i phyir seng ge'i sgra zhes bya'o// 'di ni mi skrag par bstan pa ste/ de'i phyir sang ge'i sgra zhes bya'o// ko'u shi ka gang chos thams cad mi skye ba dang / mi 'gog pa

_{iiif viewer powered by OpenSeadragon}

247a - 248a

Texts on this page