rKTs

e-texts navigator

Volume

Page

245a₁ po la rab tu gnas pa'o/ / de dag ni byams pa chen po la yang dag par zhugs pa'o// de dag ni sems can thams cad mi gtong ba'o// de dag ni theg pa dman pa
245a₂ la rgyab kyis bltas pa'o/ / de dag ni theg pa chen po la mngon du phyogs pa'o// de dag gis phyin ci logs spangs so// de dag ni mnyam pa nyid la nye ba'o// de dag ni byang chub sems dpa'i
245a₃ nges pa la zhugs pa'o/ / de dag ni byang chub kyi snying po la gnas pa'o// de dag gis bdud kyi sde rnams btul ba'o// de dag gis thams cad mkhyen pa nyid khong du chud do// de dag ni chos kyi
245a₄ 'khor lo rab tu skor bar 'gyur ro/ / de dag ni sangs rgyas kyi bya ba byed par 'gyur ro// grogs po dag gang chos 'di la nan tan du byed pa'i skyes bu dam pa de dag gi bsngags pa ngas bskal pa 'am
245a₅ bskal pa las 'das par bshad kyang / chos 'di la nan tan byed pa'i skyes bu dam pa de dag gi bsngags pa'i mthar mi phyin te/ de bzhin gshegs pa ltar spobs pa phun sum tshogs par
245a₆ 'gyur ro/ / de nas 'khor de nyid du lha'i bu phyir mi ldog pa zhes bya ba 'dus par gyur te 'dug go// de nas bcom ldan 'das la/ lha'i bu phyir mi ldog pas 'di skad ces gsol to//
245a₇ bcom ldan 'das chos kyi nan tan chos kyi nan tan zhes bgyi ba/ bcom ldan 'das ji tsam gyis na chos kyi nan tan zhes bgyi/ bcom ldan 'das kyis bka' stsal pa/ lha'i bu chos

_{iiif viewer powered by OpenSeadragon}

244b - 245b

Texts on this page