| e-texts navigator |
| བོད་ཡིག |
242a1 pa'o/ / chos ni skye ba 'am/ 'gag par mi 'gyur te/ chos thams cad kyi rnam par rig par byed pa ni/ rnam par rig par byed pa med pa'o// chos des gang kun shes
242a2 par byas pas de dag kyang gzhan du mi 'gyur bas na/ rnam par rig par byed pa med pas kun shes so// de ci'i phyir zhe na/ chos rnams rnam par rig par byed pa de ci 'dra ba de bzhin du/ de'i kun
242a3 shes pa'ang de 'dra ste/ de ci'i phyir chos thams cad de bzhin nyid la gnas zhes bya ste/ de bzhin nyid ni mi gnas pa'o// de nas rgyal po chen po bzhi dang / lha'i dbang po brgya byin dang
242a4 mi mjed kyi bdag po tshangs pa'ang 'khor de nyid du tshogs nas 'dug par gyur te/ de dag lha'i me tog dag gis de bzhin gshegs pa la gtor nas tshig 'di skad ces 'dzer te/ bcom ldan
242a5 'das rigs kyi bu 'am/ rigs kyi bu mo gang dag 'jam dpal gzhon nur gyur pas bstan pa 'di la mos pa de dag ni bdud dang phyir rgol ba bcom pa lags so// de ci'i slad du zhe na
242a6 bcom ldan 'das 'jam dpal gzhon nur gyur pas bstan pa ni 'du shes thams cad dang bral ba lags te/ gang chos zab mo bstan pa 'di la mi skrag mi dngang zhing shin tu dngang bar mi 'gyur
242a7 ba'i rigs kyi bu 'am/ rigs kyi bu mo de dag ni dge ba'i rtsa ba ngan ngon dang ldan pa ma lags so// bcom ldan 'das chos kyi rnam grangs 'dis phyogs gang du byung ba de sangs rgyas kyi byin gyis
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo