| e-texts navigator |
| བོད་ཡིག |
240b1 chos thams cad la'ang spyod la/ chos gang la'ang mi spyod na/ byang chub sems dpa' de byang chub la spyod de/ tshangs pa spyad pa'i yul las 'das pa'i byang chub sems dpa' ni byang chub
240b2 tu spyod do/ / smras pa/ 'jam dpal ji ltar na byang chub sems dpa' spyad pa'i yul las 'das pa la spyod/ smras pa/ dmigs pa'i mtshan ma thams cad dang bral zhing / mig
240b3 dang / rna ba dang / sna dang / lus dang / lce dang / yid dang bral ba de ltar na spyad pa'i yul thams cad las shin tu 'das pa yin no// smras pa/ 'jam dpal yang dag
240b4 par 'das pa zhes bya ba ci la bsams/ smras pa/ mnyam pa nyid lnga mi 'da' 'o// de ci'i phyir zhe na/ tshangs pa byang chub ni chos thams cad kyi mnyam pa nyid do// smras pa/
240b5 'jam dpal byang chub sems dpas ji ltar byang chub tu 'jug par bya// smras pa/ byang chub ji lta ba bzhin du'o// smras pa/ byang chub ji lta bu yin/ smras pa/ tshangs pa byang chub
240b6 de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin te/ de bas na byang chub sems dpa' dus gsum yongs su dag pa'i rnam pa dang / 'khor gsum yongs
240b7 su dag pas byang chub tu yang dag par 'jug par bya'o/ / 'das pa ji lta ba dang / ma 'ongs pa ji lta ba dang / da ltar byung ba ji lta ba dang / ma byung ba ji lta ba dang / ma byung ba gang
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo