| e-texts navigator |
| བོད་ཡིག |
234b1 thams cad tshig ma yin pas na/ de'i phyir sangs rgyas kyi tshig ni brjod du med pa zhes bya'o// de ci'i phyir zhe na/ yang dag par rdzogs pa'i sangs rgyas nyid ni brjod pas rab tu dbye ba ma
234b2 yin no/ / smras pa/ yang dag par rdzogs pa'i sangs rgyas ji ltar na rab tu dbye/ smras pa/ gzugs su'ang ma yin/ mtshan du'ang ma yin/ chos nyid du'ang rab tu mi
234b3 dbye'o/ / smras pa/ ci gzugs kyi mtshan nyid kyi chos las tha dad du rab tu dbye 'am/ smras pa/ de ni ma yin no// smras pa/ gzugs kyi mtshan nyid kyi chos kyi de bzhin nyid
234b4 gang yin pa de ni/ de las kyang ma yin/ gzhan las kyang ma yin te/ de ltar de bzhin gshegs pa rnams rab tu dbye'o// 'di ltar de bzhin nyid kyis rab tu bstan cing chud za bar
234b5 yang mi 'gyur ba de ltar rab tu dbye'o/ / smras pa/ de ltar na de bzhin gshegs pas ci zhig mngon par rdzogs par sangs rgyas/ smras pa/ 'jam dpal de ltar na de bzhin gshegs
234b6 pas chos thams cad kyi rang bzhin dang ngo bo nyid kyis ji lta ba bzhin du mngon par rdzogs par sangs rgyas shing / mngon par rtogs te/ de'i phyir yang dag par rdzogs pa'i sangs rgyas zhes
234b7 bya'o/ / de nas bcom ldan 'das la/ bram ze shing sA la chen po lta bu'i bu mnyam par gnas kyis 'di skad ces gsol to// bcom ldan 'das ji ltar na byang chub sems dpa'
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo