| e-texts navigator |
| བོད་ཡིག |
229b1 grong khyer chen po de dag thams cad kyang rin po che thams cad kyis brgyan pa dpag tshad kyi tshad tsam du byas pa yin te/ grong khyer chen po re re la'ang grong dang / ri khrod dang / yul 'khor dang /
229b2 grong rdal lnga brgyas bskor bar gyur to// grong dang / grong khyer dang / grong rdal dang / ljongs thams cad na'ang srog chags mang po brgya stong gnas te/ mi de dag gis mig sngar ci snang ba de
229b3 ngag thams cad kyang sdug cing yid du 'ong ba snang ste/ yid du mi 'ong ba mi snang ngo // mi de dag kyang sangs rgyas rjes su dran pa'i ting nge 'dzin thob par gyur te/ de'i phyir 'jig rten gyi khams de
229b4 mthong na dga' ba zhes bya'o/ / sangs rgyas kyi zhing gzhan nas byang chub sems dpa' 'jig rten gyi khams der 'ongs pa de dag kyang / 'jig rten gyi khams mthong na dga' ba bzhin du 'jig rten gyi
229b5 khams gzhan la de tsam du dga' bar mi 'dzin to/ / yang de bzhin gshegs pa kun tu 'od zer 'di theg pa gsum las brtsams te sems can rnams la chos ston to// phal cher ni rigs kyi
229b6 bu khyed 'di ltar gnas pa gnyis kyis gnas par byos shig/ chos kyi gtam brjod cig/ yang na 'phags pa mi smra bar gyur pa nye bar zhi ba la gnas par byos shig/ ces rgyas par yang
229b7 dag par rab tu ston to/ / // bam po lnga pa// rigs kyi bu yang de'i tshe steng gi phyogs nas/ de bzhin gshegs pa sman pa'i rgyal po'i sangs rgyas
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo