| e-texts navigator |
| བོད་ཡིག |
208b1 bzod pa dang nges pa de ni shin tu bzod pa'i chos nyid de la rgyur yang nye bar mi 'gro'o/ / gang sems dang po bskyed pa tshun chad nas bzung ste/ brtson 'grus brtsams pa de ni blang ba med pa dang /
208b2 dor ba med pa'i brtson 'grus de la dpe'i bar du'ang nye bar mi 'gro'o// gang sems dang po bskyed pa tshun chad kyi bsam gtan rab tu dben par gnas pa de ni rab tu zhi ba mtshan ma med pa de la dpe'i bar
208b3 du'ang nye bar mi 'gro'o/ / tshangs pa gang sems dang po bskyed pa tshun chad kyi shes rab kyis so so'i rtog pa de ni spros pa med pa'i shes rab de la dpe'i bar du'ang nye bar mi 'gro ste/ de bas na tshangs pa rnam
208b4 grangs 'dis 'di ltar ngas de'i tshe pha rol tu phyin pa drug yongs su rdzogs par byas so zhes de ltar rig par bya'o/ / gsol pa/ bcom ldan 'das ji ltar na pha rol tu phyin pa drug yongs su rdzogs pa
208b5 lag sa/ bka' stsal pa/ gang gtong ba la rlom sems med pa dang / tshul khrims la mi gnas pa dang / bzod pa la rnam par mi rtog pa dang / brtson 'grus la blang ba med pa dang /
208b6 bsam gtan la mi gnas pa dang / shes rab la gnyis su med pa 'di ni tshangs pa pha rol tu phyin pa drug yongs su rdzogs pa yin no// gsol pa/ bcom ldan 'das pha rol tu phyin pa drug yongs su
208b7 rdzogs nas ci yongs su rdzogs par bgyid/ bka' stsal pa/ tshangs pa pha rol tu phyin pa drug yongs su rdzogs nas/ thams cad mkhyen pa nyid yongs su rdzogs par byed do// gsol pa/
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo