| e-texts navigator |
| བོད་ཡིག |
206b1 sems dpa' de ltar spyod na/ de bzhin gshegs pa rnams kyis bla na med pa yang dag par rdzogs pa'i byang chub tu lung bstan to// de ci'i phyir zhe na/ tshangs pa spyod pa ji tsam pa de tsam du lhag par byed pa ste/
206b2 byang chub ni lhag par byed pa ma yin no// spyod pa ji tsam pa de tsam du yongs su rtog pa ste/ byang chub ni yongs su rtog pa med pa'o// spyod pa ji tsam pa de tsam du mngon par 'du byed pa ste/ byang chub
206b3 ni mngon par 'du byed pa med pa'o/ / spyod pa ji tsam pa de tsam du spros pa ste/ byang chub ni spros pa med pa'o// tshangs pade bas na rnam grangs 'dis ci nas spyod pa thams cad las yang dag par 'das
206b4 pa'i byang chub sems dpa' rnams la lung bstan par 'gyur bar de ltar rig par bya'o/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan
206b5 'das lung bstan pa zhes bgyi ba lung bstan pa de gang gi tshig bla dgas lags/ bcom ldan 'das kyis bka' stsal pa/ chos thams cad la gnyis bral ba ste/ de'i phyir lung bstan pa zhes
206b6 bya'o/ / skye ba dang 'jig par sgro mi 'dogs te// de'i phyir lung bstan pa zhes bya'o// lus dang / ngag dang / yid kyi las rnams kyis dben pa ste/ de'i phyir lung bstan pa
206b7 zhes bya'o/ / tshangs pa ngas mngon par shes pa 'das pa'i dus na/ bskal pa mdzes par snang ba zhes bya ba byung ste/ de la de bzhin gshegs pa khrag khrig phrag bdun bcu rtsa gnyis byung ngo //
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo