| e-texts navigator |
| བོད་ཡིག |
200b1 ba nyid mi dmigs na/ ji ltar sems can rnams 'khor ba las bzlog par bya/ smras pa/ rigs kyi bu khyod sems can rnams mya ngan las 'das pa la mi 'dzud dam/ spras pa/ mya ngan las 'das pa nyid
200b2 bdag gis ma mthong na/ sems can rnams ji ltar de la gzud par bgyi/ spras pa/ rigs kyi bu de ste 'di la 'khor ba'ang med/ mya ngan las 'das pa'ang med na/ 'o na ci'i phyir byang chub sems dpa' sem
200b3 can yongs su mya ngan las 'da' ba'i phyir byang chub tu spyod/ smras pa/ btsun pa 'od srungs chen po gang 'khor bar dmigs pa dang / mya ngan las 'das par yongs su rtogs pa dang / sems can du
200b4 'du shes pa la gnas par byang chub tu spyod na/ de dag byang chub sems dpa' zhes mi bya'o// smras pa/ rigs kyi bu khyod ci la spyod/ smras pa/ btsun pa 'od srungs chen po kho bo ni 'khor ba dang /
200b5 mya ngan las 'das pa dang / sems can du 'du shes pa la mi spyod mod kyi/ btsun pa 'od srungs chen po khyod ci la spyod ces de skad 'dri na/ btsun pa 'od srungs chen po kho bo ni de bzhin gshegs pas
200b6 sprul pa gang la spyod pa de nyid la spyod do/ / smras pa/ rigs kyi bu de bzhin gshegs pa'i sprul pa ni ci la'ang mi spyod do// smras pa/ btsun pa 'od srungs chen po sems can thams cad kyi spyod pa'i
200b7 mtshan nyid kyang de lta bur blta'o/ / smras pa/ rigs kyi bu de ste sems can thams cad kyi spyod pa'i mtshan nyid de lta bu yin du zin na/ de bzhin gshegs pa'i sprul pa rnams ni chags par mi 'gyur//
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo