rKTs

e-texts navigator

Volume

Page

197b₁ 'gyur ba 'ga' zhig mthong bar shog cig ces byas pa dang / de nas de'i mod la bcom ldan 'das seng ge'i khri pad+ma can dang bcas te/ ta la gang tsam du mngon par 'phags par gyur to// de nas bcom ldan
197b₂ 'das la/ byang chub sems dpa' bzhi po de dag gis mgo bos phyag 'tshal nas tshig 'di skad ces 'dzer to// bcom ldan 'das de bzhin gshegs pa rnams kyi de bzhin gshegs pa'i ye shes ni bsam
197b₃ gyis mi khyab bo/ / 'di ltar sems can rnams la bde ba bstan pas/ byang chub sems dpa' dra ba can gyi 'od kyis bsod nams dang smon lam 'di'ang bsam gyis mi khyab bo// de nas bcom ldan
197b₄ 'das kyis/ gzhon nur gyur pa dra ba can gyi 'od la 'di skad ces bka' stsal to// rigs kyi bu khyod kyis sangs rgyas kyi bya ba byas te/ sems can tshad med pa rnams khyod kyis byang chub la bkod kyis
197b₅ rdzu 'phrul 'di phyir rtul cig/ de nas gzhon nur gyur pa dra ba can gyi 'od kyis 'od de dag phyir brtul to// 'od de phyir brtul ma thag tu 'khor de thams cad spyod lam snga ma ji lta ba bzhin du snang ngo //
197b₆ bcom ldan 'das kyang snga ma kho na bzhin du seng ge'i khri pad+mo can la bzhugs par snang ngo // de nas bcom ldan 'das la/ gnas brtan 'od srungs chen pos 'di skad ces gsol to// bcom ldan
197b₇ 'das byang chub sems dpa' 'di bzhi gang nas mchis/ byang chub sems dpa' de bzhis smras pa/ kho bo cag 'og gi 'jig rten gyi khams nas 'ongs so// smras pa/ 'jig rten gyi khams de'i

_{iiif viewer powered by OpenSeadragon}

197a - 198a

Texts on this page