rKTs

e-texts navigator

Volume

Page

193a₁ mtshan nyid kyang de bzhin du blta'o/ / 'di ltar chos thams cad la mi gnas shing spyod pa dang / skye ba dang / 'byung ba dang / 'pho ba dang / 'chi ba'ang ston la/
193a₂ sangs rgyas kyi zhing dag na'ang gda' ba de dag la lhag par shes rab kyi spobs pa 'di lta bus yang spobs par 'gyur ro// bcom ldan 'das shes rab kyi spobs pas rnam par 'phrul pa 'di lta bu mthong na/
193a₃ rigs kyi bu 'am/ rigs kyi bu mo su zhig bla na med pa yang dag par rdzogs pa'i byang chub tu sems mi skyed// // bam po gsum pa// yang de'i tshe byang chub
193a₄ sems dpa' kun tu me tog ces bya ba 'khor der 'dus shing 'dug par gyur te/ des gnas brtan shA ri'i bu la 'di skad ces smras so// gnas brtan ni de bzhin gshegs pas
193a₅ shes rab can gyi mchog tu gsung na/ 'di ltar shes rab kyi spobs pa rnam par 'phrul pa 'di lta bus rnam par 'phrul mi nus pa/ ci gnas brtan gyis chos kyi dbyings khong du ma chud dam
193a₆ gnas brtan gyis smras pa/ kun tu me tog bcom ldan 'das kyis nyan thos rnams ni yul ji lta ba bzhin du ston to// smras pa/ btsun pa shA ri'i bu ci chos kyi dbyings yul du bzang ngam/
193a₇ smras pa/ de ni ma yin no// smras pa/ 'o na ji ltar gnas brtan shA ri'i bu yul ji lta ba bzhin du ston/ smras pa/ nyan thos kyi khong du chud pa ji tsam par bstan pa'ang de tsam mo//

_{iiif viewer powered by OpenSeadragon}

192b - 193b

Texts on this page