rKTs

e-texts navigator

Volume

Page

186a₁ pa'i lta bas bden pa'ang brdzun pa'o// mngon pa'i nga rgyal can rnams la ni brdzun pa'ang bden pa'o zhes de ltar shes so// gzhan yang tshangs pa de bzhin gshegs pa ni
186a₂ ldem po ngag gi rnam grangs kyis bdag nyid kyis rtag par smra bar zhal gyis bzhes so/ / bdag nyid kun nas nyon mongs par smra ba dang / chad par smra ba dang / bya ba med par smra ba dang /
186a₃ log par lta ba dang / ma dad pa dang / byas pa mi gzo ba dang / mtshams gcod pa dang / skyugs pa za ba dang / go skabs mi phyed par zhal gyis bzhes kyang / de bzhin gshegs
186a₄ pa ni bshad pa 'di dag la mi 'byung mi snang ngo / / ldem po ngag gang gis sems can rnams lhag pa'i nga rgyal 'dzin pa 'dor bar 'gyur ba'i ldem po ngag de de bzhin gshegs pa ston te/ de ni de bzhin
186a₅ gshegs pa'i ldem po ngag go/ / tshangs pa de ltar na de bzhin gshegs pa ldem po ngag tu chos ston te/ de la byang chub sems dpas spyod pa la mkhas par blo spyad par bya'o// de de ltar mthar phyin pas
186a₆ bstan pa thams cad la mkhas par 'gyur ro/ / de sems can rnams la gzugs kyi sku ston pas sangs rgyas byung ngo snyam du mos par 'gyur ro// chos kyi skus rab tu phye ba'i phyir de bzhin gshegs
186a₇ pam byung ba'o zhes mos par 'gyur ro/ / yi ge rnam par rig pa lhur byed pa'i sems can rnams la de bzhin gshegs pas chos bstan to zhes mos par 'gyur ro// chos nyid brjod du med par nges

_{iiif viewer powered by OpenSeadragon}

185b - 186b

Texts on this page