| e-texts navigator |
| བོད་ཡིག |
185a1 lta bur blta'o/ / phyin ci log tu mthong ba'i tshul gyis smra ba smig rgyu lta bur blta'o// mi 'byung mi 'jigs pa'i tshul gyis smra ba nam mkha' lta bur blta'o//
185a2 brjod du med pa'i tshul gyis smra ba sngar med par blta'o// tshangs pa byang chub sems dpa' gang chos smra ba 'di shes na/ byang chub sems dpa' de dag ni smra ba thams cad smra yang chos gang
185a3 la'ang mngon par mi chags so/ / de mngon par ma chags pas ye shes thogs pa med pa'i spobs pa gang gis bskal pa gang+gA'i klung gi bye ma snyed du chos bshad kyang rgyun mi 'chad pa dang /
185a4 smra ba thams cad kyang chos kyi dbyings dang tha mi dad par smra ba dang / chos rnams kyi tha mi dad pa la'ang mngon par chags par mi 'gyur ba'i ye shes thogs pa med pa'i spobs pa thob bo//
185a5 tshangs pa de bzhin gshegs pas de ltar gsungs par chos brjod do// tshangs pa de la ji ltar na byang chub sems dpa' de bzhin gshegs pa'i ldem po ngag la mkhas pa khong du chud ce na
185a6 tshangs pa 'di la de bzhin gshegs pa kun nas nyon mongs pa'ang rnam par byang bar ston/ rnam par byang ba'ang kun nas nyon mongs par ston te/ de la byang chub sems dpa' ldem po ngag tu
185a7 shes par bya'o/ / tshangs pa de bzhin gshegs pa kun nas nyon mongs pa la rnam par byang bar ji ltar ston ce na/ kun nas nyon mongs pa'i ngo bo nyid rlos sem med pa'i phyir kun nas nyon mongs
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo