rKTs

e-texts navigator

Volume

Page

184a₁ bka' stsal ba/ tshangs pa khyod kyis skyes bu dam pa de dag gi bsngags pa 'am yon tan ji tsam du shes/ tshangs pas gsol pa/ de bzhin gshegs pas thogs
184a₂ pa ma mchis pa'i sangs rgyas kyi ye shes kyis ji snyed mkhyen pa dang / de dag gi yon tan de dag dang / de las lhag par yang 'tshal bar bgyi ste/ gang de bzhin gshegs pas bshad pa'i don
184a₃ dang / tshig dang yi ge zab mo rnams rtogs par rig pa dang / ldem po ngag 'tshal ba dang 'thun par bgyid cing 'gal bar mi bgyid pa dang / yang dag par sbyong zhing sun 'byin par mi bgyid pa
184a₄ dang / don rtogs par gcig cing yi ge'i phyir mi snyegs pa de dag ni brjod pa gang gis de bzhin gshegs pa rnams chos gsungs pa dang / ldem po ngag gang gis de bzhin gshegs pa chos gsung
184a₅ ba dang / thabs gang dang / tshul gang dang / snying rje chen po gang gis de bzhin gshegs pa chos bstan pa nges pa'i tshig brjod pa rab tu 'tshal to// bka' stsal pa/ tshangs pa byang
184a₆ chub sems dpa' gang la la de bzhin gshegs pa'i stobs lnga'i sbyor ba 'di shes na/ byang chub sems dpa' de ni sangs rgyas kyi mdzad pas sems can rnams la nye bar gnas pa zhes bya'o//
184a₇ gsol pa/ bcom ldan 'das de bzhin gshegs pa'i stobs lnga'i sbyor ba gang lags/ bcom ldan 'das kyis bka' stsal pa/ chos smra ba dang / ldem po ngag tu smra ba bstan pa dang / thabs

_{iiif viewer powered by OpenSeadragon}

183b - 184b

Texts on this page