rKTs

e-texts navigator

Volume

Page

182a₁ de dag sems rab tu 'dul ba'i slad du glang po cher 'gyur ro// de dag 'khor mang po yongs su sdud pa'i slad du khyu mchog tu 'gyur ro// de dag bdud dang phyir rgol ba rnams rab tu
182a₂ bcom pa'i slad du dpa' bor 'gyur ro/ / de dag 'khor gyis 'jigs pa ma mchis pa'i slad du bstan par 'gyur ro// de dag mi 'jigs pa thob pa'i slad du mi thub par 'gyur ro// de dag bden pa
182a₃ bstan pa rnams la 'jigs pa ma mchis par 'gyur ro/ / de dag dkar po'i phyogs yongs su rgyas pa'i slad du zla ba dang mtshungs par 'gyur ro// de dag shes rab kyis snang bar bgyid pas nyi ma lta/
182a₄ bur 'gyur ro// de dag mun pa chen po dang bral ba'i slad du sgron ma lta bur 'gyur ro// de dag mdza' ba dang khong khro ba ma mchis pa'i slad du gzhi rten lta bur 'gyur ro// de dag sems can thams
182a₅ cad nye bar 'tsho ba'i slad du sa dang mtshungs par 'gyur ro/ / de dag chos thams cad la mi gnas pa'i slad du rlung dang mtshungs par 'gyur ro// de dag nyon mongs pa'i dri ma thams cad 'khru ba'i slad du
182a₆ chu dang mtshungs par 'gyur ro/ / de dag rlom sems thams cad yang dag par 'joms pa'i slad du ma dang mtshungs par 'gyur ro// de dag spyod mi nus pa'i slad du ri rab dang mtshungs par 'gyur ro//
182a₇ de dag lhag pa'i bsam pa brtan zhing mi phyed pa'i slad du rdo rje ltar sra ba'i 'khor yug gi ri lta bur 'gyur ro// de dag phal gyi rgol ba thams cad kyis gdul dka' bar 'gyur ro// de dag nyan thos dang

_{iiif viewer powered by OpenSeadragon}

181b - 182b

Texts on this page