rKTs

e-texts navigator

Volume

Page

181b₁ de dag chos kyi rang bzhin ston pa la mkhas pa'i slad du yang dag par sla bar 'gyur ro// de dag don dam pa'i chos ston pa'i slad du bden pa smra bar 'gyur ro// de dag de bzhin gshegs pa rnams kyi
181b₂ yongs su gzung bar 'gyur ro/ / de dag 'grogs na bde ba'i slad du nges par 'gyur ro// de dag 'phags pa'i nor rnams kyis nor dang ldan par 'gyur ro// de dag 'phags pa'i rigs rnams
181b₃ kyis cho ga 'tshal bar 'gyur ro/ / gso sla zhing dgang sla bar 'gyur ro// de dag pha rol tu mchi ba'i slad du dbugs 'byin pa thob par 'gyur ro// de dag ma rgal ba rnams sgrol bar 'gyur ro//
181b₄ de dag ma grol ba rnams dgrol bar bgyid par 'gyur ro// de dag dbugs 'byin pa ma mchis pa rnams kyi dbugs 'byin par 'gyur ro// yongs su mya ngan las 'das pa rnams yongs su mya ngan las
181b₅ zla bar 'gyur ro/ / de dag lam ston par 'gyur ro// de dag mya ngan las 'das pa ston par 'gyur ro// de dag sman thams cad yongs su 'tshal ba'i slad du sman pa rnams kyi rgyal por 'gyur ro//
181b₆ de dag nad thams cad rab tu zhi bar bgyid pa'i slad du sman lta bur 'gyur ro// de dag ye shes kyi stobs dang ldan par 'gyur ro// de dag mthus spro ba dang ldan par 'gyur ro// de dag gzhan gyi
181b₇ dring la mi 'jog pa'i slad du rtsal dang ldan par 'gyur ro/ / de dag 'jigs pas spu ldang ba ma mchis pa'i slad du seng ge lta bur 'gyur ro// de dag cang shes pa'i slad du ba glang lta bur 'gyur ro//

_{iiif viewer powered by OpenSeadragon}

181a - 182a

Texts on this page