| e-texts navigator |
| བོད་ཡིག |
177b1 byol song ba glang dang / bong bu dang / sems can dmyal ba ba thams cad kyi'ang 'phags pa'i bden par 'gyur ro// de ci'i phyir zhe na/ 'di ltar de dag ni sdug bsngal ba'i tshor ba rnams myong ngo //
177b2 tshangs pa 'di ni sdug bsngal kun 'byung ba zhes bya ba de ci ste 'phags pa rnams kyi bden pa yin du zin na/ de ni gang 'gro ba rnams su 'byung ba'i 'gro ba thams cad du skyes pa'i sems can rnams kyi yang
177b3 'phags pa'i bden par 'gyur ro/ / 'di ni 'gog pa'o zhes bya ba de ci ste 'phags pa'i bden pa yin du zin na/ de na gang rnams dngos po bshig pas mya ngan las 'das pa tshol ba dang /
177b4 'gog par lta bar lhung ba chad par smra ba thams cad la'ang 'phags pa'i bden par 'gyur ro// 'di ni lam mo zhes bya ba de ci ste 'phags pa rnams kyi bden pa yin du zin na/ de ni 'dus byas kyis
177b5 'dus byas las 'byung bar tshol ba/ 'dus byas lam du dmigs pa thams cad la'ang 'phags pa'i bden par 'gyur te/ de bas na tshangs pa rnam grangs 'dis ji ltar sdug bsngal dang /
177b6 kun 'byung ba dang / 'gog pa dang / lam rnams 'phags pa rnams kyi bden pa ma yin par khyod kyis rig par bya'o// de lta mod kyi tshangs pa gang sdug bsngal mi skye ba de ni 'phags pa rnams
177b7 kyi bden pa'o/ / gang kun 'byung ba mi 'jug pa 'di ni 'phags pa rnams kyi bden pa'o// gang chos thams cad shin tu 'gags pa la mi skye mi 'gog pa 'di ni 'phags pa rnams kyi bden pa'o//
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo